सानी हिड्न थालेको दिन

२०६५ श्रावण ५ गते शनिबार ।
------------------------------

आज देखि सानी हिड्न थालेकी छन् । उनीले १० महिना १२ दिन टेकेकै दिनदेखि हिड्न थालिन् । उनी २० दिन पहिलेदेखि भित्ताको सहयोगमा उभिने गरेपनि केहि नसमाइकन उभिनपनि आजैदेखि थालेकी हुन । आज दिउँसो हामी स‍-परिवार घरमा छुट्टी मनाएर बसिरहेको बेला कोठाको माझमा उनको उभिने प्रयास एक दुइ पटकमा नै सफल भयो । त्यो सफलताले उनीलाई निकै हौसला प्रदान गरेछ । त्यस पछि उनीले लगातार धेरै पटक बस्दै उभिदै गर्न थालिन । हामीले उनको क्रियाकलाप नियाल्दै हासेको देखेर उनीपनि हामीतिर हेर्दै हाहाहा गर्दै हास्दै उभिदै बस्दै गरेको केहि बेरमा नै एक दुई पाईला हिड्न थालिन् ।

उनी अलि पातली र छरिती खालकी हुनाले होला उनलाई हिड्न सजिलो भएको । आजदेखि लम्किन थालेका उनका पाइलाले सधै सफलताका शिखर टेक्न पाउन !

---***---